Filipino Athletes nahirapang kumuha ng ginto

PALEMBANG, Indonesia --- Naging mailap ang gin­tong medalya sa mga pam­batong atleta ng bansa nang malaglag sa ikaanim na puwesto sa team stan­dings sa ikalawang araw ng kom­petisyon sa 26th SEA Ga­mes dito.

Si Youth Olympic Ga­mes veteran Jessie King La­cuna at sina divers Jaime Asok at Ryan Rexel Fab­riga ang muntik nang makasikwat ng ginto pe­ro kinapos sa kanilang mga laban sa pool events sa Jakabaring Aqua­tics Cen­tre.

Si Lacuna ay tumapos sa paboritong 200-meter free­style event sa tiyempong 01:52.23 para sa sil­ver medal sa event na di­nomina ng Singaporean na si Yeo Kai Quan sa kan­yang bilis na 1:51.07.

May 344.51 puntos si­na Asok at Fabriga sa 10m synchronzed platform event pero naiwanan sila ng mas mahusay na lahok na sina Muhammad Nasrullah at Luthfi Niko Abdill ng host Indonesia na may 378.12 puntos.

Sina Sheila Mae Perez at Ceseil Domenios ay lu­maban sa female 3m syn­chronized springboard event pero tumapos lamang sa bronze medal sa mula kanilang 243.12 pun­tos.

Lumaban rin ang mga la­hok ng bansa sa cycling, taek­wondo at karatedo, ngu­nit ang kanilang pinaka­ma­tinding laban ay sapat lang para sa bronze me­dal.

Kumarera si Niño Surban sa mountain bike cross country sa Gunung Pancar sa West Java at naorasan ng 1:35.37 para sa tanso na kapos ng ma­higit na anim na segundo sa nanalong si Chandra Raf­sanjani ng Indonesia na may 1:29.08.

 Bigo naman sina Sa­muel Tomas Morrison at Kar­la Alava na dagdagan ang dalawang ginto na nai­­bigay ng women’s poom­sae team at ni Camille Ma­nalo nang matalo sa se­­mifinals.

Minalas si Morrison na naunahan ni Kongpon Koomkrong sa extra round upang maisuko ang 4-5 ka­biguan sa men’s 68 ki­log­ram na pinaglabanan sa POPKI Sports Hall sa Ci­bubur.

Hindi nakaporma si Kar­la Jane Alava kay Lia Ka­rina Mansur ng Indonesia tungo sa 4-0 pagkatalo sa women’s featherweight di­vision.

Sina Mae Soriano at Ja­son Ramil Macaalay ay bumangon naman sa re­pecharge sa individual kumite men’s under-60 kgs at fe­male under-55 kilograms, ayon sa pagkakasunod, pa­ra magkaroon na ng ka­ratedo team na binalot ng problema sa liderato.