Bulto ng Team Phl darating ngayon para sa 26th Southeast Asian Games

INDONESIA --- Kabu­uang 155 bilang ng athletes at coaches ang nakatakdang dumating dito ukol sa pagsisimula ng 26th South­east Asian Games bukas.

Ang nasabing grupo ay pa­mumunuan ni flag-bea­rer Rey Saludar kasama ang 15 pang miyembro ng boxing team kasabay ang 30 sa athletics, 25 sa ba­seball at 11 sa tennis.

Nasa chartered flight rin ang mga atleta ng karate­do (13), badminton (11), ar­chery (2), waterski (1), wres­tling (12), petanque (10), bridge (9) at gymnastics (15).

Nauna nang dumating di­to ang 65 bilang ng dele­gasyon na kinabibilangan ng mga taekwondo jins (27) at rowers (11).

“We should be looking at 70 gold medals and Top 3 overall,” ani Philippine Sports Commission chairman Richie Garcia.

Bibiyahe bukas ang mga atleta ng traditional boat race (38), fencing (23), archery (10), golf (8), table tennis (8) cycling (3) at equestrian (1). Susunod sa Nob­yembre 12 ang grupo ng basketball (34), bowling (18), golf (3), equestrian (1) at waterski (1).

Magtutungo ang 10 mi­yembro ng cycling team sa Nobyembre 13, habang ang futsal (31) at soft tennis (10) ay sa Nobyembre 14.

Aalis sa Nobyembre 15 ang cycling (5), judo (20), wu­shu (19) at soft tennis (2) ka­sunod ang gymnastics (6) at weightlifting (9) sa Nob­yembre 16.