MANILA, Philippines - Mula sa isang three-game losing skid, sumasakay ngayon ang Boosters sa isang two-game winning run.
Muling nakahugot ng puntos ang Petron Blaze kay Joseph Yeo para pabagsakin ang Shopinas.com, 102-77, at makasalo sa ikaapat na puwesto sa elimination round ng 2011-2012 PBA Philippine Cup kahapon sa Smart-Araneta Coliseum.
Bago talunin ang Clickers, nanggaling muna ang Boosters sa 86-80 paggiba sa Alaska Aces noong Sabado na tinampukan ng 27 points ni Yeo, pumalit sa may injury na si Fil-Am rookie Chris Lutz.
Kasalo ng Petron sa ikaapat na posisyon ang Meralco sa magkatulad nilang 5-3 baraha sa ilalim ng Rain or Shine (6-1), Talk ‘N Text (5-1) at Barako Bull (5-2) kasunod ang Barangay Ginebra (3-4), B-Meg (3-4), Powerade (3-4), Alaska (1-6) at Shopinas.com (0-8).
Kasalukuyan pang naglalaro ang Tropang Texters at ang Gin Kings habang isinusulat ito.
Kaagad na inilista ng Boosters ang 30-18 lamang sa first period mula sa kanilang 4-of-6 shooting sa 3-point range bago nakalapit ang Clickers sa halftime, 43-46.
Isang 21-0 atake ang ginawa nina Yeo, Arwind Santos, Alex Cabagnot, Denok Miranda at Rob Reyes para muling ilayo ang Petron laban sa Shopinas.com sa 67-43 sa 5:29 ng third quarter.
Petron 102 - Santos 18, Yeo 16, Cabagnot 16, Guevarra 12, Miranda 12 Reyes 7, Sharma 6, Doruelo 5, Agustin 4, Baclao 4, Ildefonso 2.
Shopinas.com 77 - Ritualo 17, Jazul 16, Sena 13, Mirza 7, Se 6, Menor 5, Aquino 5, Sison 4, Espiritu 4, Hermida 0, Duncil 0, Daa 0, Hubalde 0.
Quarterscores: 30-18; 46-43; 76-52; 102-77.