'Smokin' Joe' Frazier pumanaw dahil sa liver cancer
WASHINGTON - Namatay na kahapon si dating world heavyweight champion Joe Frazier, ang unang nagpabagsak kay boxing legend Muhammad Ali, sa edad na 67-anyos mula sa sakit na liver cancer.
Si "Smokin' Joe" Frazier ay namatay sa Philadelphia isang buwan matapos matuklasan na siya ay may liver cancer.
“Joe doesn’t want to see anybody, the way he is now,” sabi ng kanyang manager na si Les Wolff. “I think you can understand why. He’s a proud man.”
Iniluklok si Frazier sa International Boxing Hall of Fame noong 1990.
Tinapos niya ang kanyang boxing career mula sa 32-4-1 win-loss-draw ring record kasama ang 27 knockouts.
Inangkin ni Frazier ang Olympic heavyweight boxing gold medal para sa United States sa 1964 Games sa Tokyo, Japan at pinagharian ang world heavyweight division mula 1970 hanggang 1973.
Sa kanilang 'trilogy' ni Ali noong 1970's, si Frazier ang unang nagwagi bago siya dinomina ni Ali sa sumunod nilang dalawang pagtatagpo.
Nakuha ni Frazier ang world heavyweight title noong 1970 mula sa pagpapabagsak kay champion Jimmy Ellis noong 1967.
Si Ellis ang nakakuha ng titulo ni Ali nang umayaw itong lumaban sa Vietnam War dahilan sa kanyang Muslim beliefs.
- Latest
- Trending
