Garcia kumpiyansa sa kakayahan ng mga atleta

MANILA, Philippines - Mataas pa rin ang tiwala ni PSC chairman Ricardo Gar­cia sa ipapakita ng delegasyon na lalaban sa 26th SEA Games sa Indonesia kahit natalo ang under-23 men’s football team.

“The athletes remain in high spirits despite the bad news,” wika ni Garcia kahapon sa PSA Forum sa Sha­key’s UN Avenue.

Ang ‘bad news’ ay ang 0-2 karta na tangan ngayon ng under-23 men’s football team dahilan upang malagay sa peligro ang hangaring makaabante sa semifinals ng foot­ball event.

Lumagapak ang koponang binubuo ng mga Fil-foreign players sa Timor Leste, 2-1, matapos lasapin ang 3-1 kabiguan sa Vietnam.

“Hindi naman kulang ang talento ng mga players na­tin. Pero ang mga kalaban ay naglalaro na sa loob ng mahabang panahon. Makikita mo ito sa kanilang team work, habang nangangapa naman ang players na­­­tin,” ani Garcia sa Young Azkals.

Pero, hindi naman nasisira ang kanyang loob sa pa­niniwalang mahihigitan ng Pilipinas ang pang limang pu­westong pagtatapos sa 2009 SEA Games sa Laos at buo pa rin ang inaasahang 70 hanggang 80 gintong me­dalya sa 26th SEA Games na lalaruin sa Palembang, Ja­karta at West Java.

Tinuran ni Garcia ang husay ng mga Filipino athletes sa larangan ng boxing, taekwondo, billiards, athletics, swim­ming, chess, judo, tennis at cycling.

 “With all these sports events, I guess we are on target as far as winning gold medals is concern,” ani Garcia.