1st Juscar's Cup 2011 ugma na

CEBU, Philippines - Gatosan ka mga seklista sa Talisay ug mga silingang dapit ang magtakus alang sa labing unang Juscar’s Cup 2011 nga ipahigayon ugma atubangan sa Talisay City Hall.

Ang torneyo gibahin sa unom ka kategoriya ug kini mao ang Laspagay Mountainbike, MTB Open A, MTB B, Racer A, B ug C.

Ganting salapi ang madawat sa top 10 finishers sa matag kategoriya. Ang makampiyon sa MTB Open ug Racer A makadawat og P5,000 matag usa, samtang sa Racer B ug MTB B makadawat og P3,000 ug ang    Racer C ug Laspagay MTB mobulsa og P2,000.

Ang lumba gipasiugdahan ni chairman Billy Nacarion, event coordinator Benjie Cabigas ug Jimmy Cañeda.

Alang sa dugang mga pangutana mahimong motawag ni Cardinal Lim sa numero 09327925828 o 09236540582.  (BANAT SPORTS)