Gadi, Vivas sisimulan ang kanilang kampanya sa VP Binay Grand Prix

MANILA, Philippines - Ang kanilang unang panalo ang siyang pakay nina top seed Toby Gadi at No. 2 Paul Vivas sa men’s Open singles sa paghataw ng fourth leg ng P1 million VP Bi­nay Grand Prix Badminton Open Championships-PBaRS sa Powersmash sa Makati.

Hangad naman ni Bian­ca Carlos na makuha ang kanyang ikaapat na korona sa women’s Under-19 side.

Makakatagpo ni Gadi, asam ang sweep, si Kevin Al­cantara ngayong alas-10 ng umaga, habang maka­ka­tapat ni Vivas si Allen del Mundo sa 11:40 ng tanghali.

Sinimulan kahapon ang event na inihahandog ng MVP Sports Foundation at Robinsons Land mula sa 100 matches kasama ang Open, U-19 at U-15 men’s, women’s at boys at girls’ singles.

Kabilang sa mga nag­wa­gi ay sina Malvinne Ann Alcala, Alizandra Cande­laria , Carissa Obnial, Da­nica Enriquez, Diane Cas­tro, Marie Garcia, Dani­ca Pelegrino, Anna Alba, Gra­ce Lim, Thaila Aguilar, Isa­bel Fernandez at Flo La­migo.

Sa boys’ U-19 singles, tinalo ni Isaac Leonardo si Spencer See, 21-16, 11-21, 22-20; binigo ni Reden Cuden si Kyle Gosiaco, 21-19, 24-22; ginapi ni Isaac Orellano si Jimbo Flores, 17-21, 21-19, 21-16; at pinayukod ni Gen Fabro si Jeffrey Iquina, 21-19, 17-21, 21-11.

Samantala, lalabanan ni third seed Gabriel Mag­na­ye sa premier class si Re­den Cuden, samantalang magtatagpo naman si­na No. 4 Joper Escueta at Ra­mon Dalo sa torneong su­­portado ng PLDT Smart Foun­dation, Robinsons Mall, Gatorade at official equip­ment sponsor Victor.