Big City bets humataw sa 2011 UniGames

MANILA, Philippines - Nagpamalas kaagad ng lakas ang mga koponan mu­la sa Metro Manila nang uma­ni ng mga panalo sa ball games na nagpasimula sa 2011 PSC-Philippine Uni­versity Games kahapon sa Villareal Stadium sa Ro­xas City, Capiz.

Isang upset ang kinuha ng UST nang kanilang pa­taubin ang nagdedepen­sang kampeon sa UAAP women’s football na La Salle mula sa 3-2 panalo.

Unang umiskor ang La­dy Archers sa pamamagitan ni Charmine Guancia pero itinabla ni Marie Christine Fuertes ang laro bago ang halftime.

Umalagwa ng magka­sunod na goals sina Jae Marie Abuan (59th) at Anne Fabon (88th) para balewa­lain ang goal sa 92nd minu­te ni Pia Bravo.

Ipinakita naman ng FEU La­dy Tams ang angking pu­wer­sa ga­mit ang 5-0 panalo sa Foun­dation Uni­versity sa isa pang laro.

Binuksan ng St. Benilde ang paghahangad sa titulo sa men’s division sa 5-1 iskor laban sa Foundation University.

Nagpasikat rin ang National University sa men’s vol­leyball at women’s bas­ketball, habang ang La Salle, UP at St. Francis Of Assisi ay nanalo rin laban sa mga provincial schools.

Kumabig ang Bulldogs ng 25-15, 25-12, 25-11, panalo sa Negros Oriental University-Dumaguete sa men’s volleyball, habang ang Lady Bulldogs ay nila­pa ang Holy Angel University-Pampanga, 97-48.

Ang Archers ay nanalo sa Ateneo de Davao University, 25-8, 25-11, 25-15, para saluhan ang NU sa liderato sa men’s volleyball, habang ang Lady Maroons ay nanaig sa University of San Agustin-Iloilo, 25-21, 25-12, 25-16.

 Kinuha ng Doves ang unang panalo sa men’s bas­ketball sa 77-74 dala ng dalawang freethrows ni Den­ver Rote.