Pakyas ang sparmate ni Pacquiao nga si Venezuelan Jorge Linares sa pagsakmit sa WBC lightweight title human siya gipaundang ni Antonio De Marco didto sa Los Angeles.
Si Linares daku og natabang sa training camp ni Pacquiao didto sa Baguio City sa miaging buwan.
Hopkins angay nang moretiro
Nagkahiusa ang mga boxing analyst sa kalibutan nga angay na gyud moretiro sa boksing ang 46-anyos nga si Bernard Hopkins human ang ngil-ad niyang kapildehan batok ni Chad Dawson.
Si Hopkins napilde dihang wala na kini makabangun pa human sa atake ni Dawson kinsa miilog sa iyang WBC light heavyweight title.
52-anyos boksidor midaog
Bisan pa og nabalhug siya sa bilanggoan sud sa 26 ka tuig, wala gihapon kini makapugong ni Dewey Bozella sa pagtuman sa iyang damgo nga mahimong boksidor.
Ang 52-anyos nga si Bozella midaog sa iyang debut fight didto sa Las Vegas batok sa cruiserweight nga si Larry Hopkins pinaagi sa unanimous decision. - BANAT NEWS