Magis Eagles mitugpa sa ikaduha

CEBU, Philippines - Midagit na sab og daog ang Sacred Heart School-Ateneo de Cebu (SHS-AdC) Magis Eagles pinaagi sa paglubong sa University of San Jose-Recoletos (USJ-R) Baby Jaguars, 87-62 sa 11th Cebu Schools Athletic Foundation Inc. (CESAFI) basketball event kagabii didto sa Cebu Coliseum.

Mikamada og 18 puntos si Henric Dawn Ochea aron pangulohan ang Magis Eagles, kinsa mitapos sa eliminasyon bitbit ang 14-2 nga baraha sunod sa league-leader University of the Visayas (UV) Baby Lancers nga adunay 15-1 nga baraha.

Ang Magis Eagles ug Baby Lancers pulos nakabaton og "twice-to-beat" advantage batok sa University of Southern Philippines Foundation (USPF) Baby Panthers ug Cebu Eastern College (CEC) Dragons.  (BANATSPORTS)