Duha ka lumba magdungan sa Oct. 22
CEBU, Philippines - Duha ka running events, ang Pueblo Verde Pink Run ug N’DASH Run ang magdungan karong Oktubre 22 sa buwag nga mga binyu.
Ang Pueblo Verde Pink Run nga sugdan sa alas-4 sa hapon adto ipahigayon sa Lapu-Lapu City, samtang ang N'DASH Run anha sa Terraces Ayala-Cebu sa alas-5 sa buntag.
Ang Pink Run nga kabahin sa breast cancer awareness month, adunay tulo ka kategoriya -- 10K, 5K ug 3K. Aduna kini registration fee nga P350 alang sa 10K, samtang ang P250 alang sa 5K ug 3K.
Ang matigom nga salapi ihatag ngadto sa ilang beneficiary nga Icanserve Foundation.
Mahimong magparehistro didto sa RUNNR, MEZ II sa Basak, MEZ building sa Pueblo Verde, MEZ II ug Persimmon sa Mabolo.
Sa laing bahin, ang N’DASH run nga gipasiugdahan sa Philippine Nurses Association (PNA) tuyo usab nga makabira og kapin usa ka libo ka runners alang usab sa ilang fund-raising program nga itabang ngadto sa Philippine Red Cross.
Ang registration fee nagkantidad og P250 alang sa 12K, 6k ug 3K.
Niadtong interesadong modagan, mahimong mobisita didto sa RUNNR, ROX sa Ayala Active Zone, PNA regional office sa Fuente Osmeña ug Cebu City Sports Center. - BANAT NEWS
- Latest
- Trending
