Cabagnot lumabas ang pagiging beterano
MANILA, Philippines - Bagamat may ilang bagitong nagpapasikat sa kasalukuyang 2011-2012 PBA Philippine Cup, hindi naman nagpapahuli ang beteranong si Alex Cabagnot.
Sa 2-0 kartada ng Petron Blaze, ang pointguard na si Cabagnot ang naging sandigan ni coach Ato Agustin.
“Ipinapakita talaga ni Alex ang pagiging beterano niya at ang poise niya napakalaking tulong sa team,” wika ni Agustin kay Cabagnot, napiling No. 2 overall pick ng Sta. Lucia Realty sa 2005 PBA Rookie Draft bago naglaro sa Coca-Cola at Burger King.
Sa kanyang kabayanihan, nahirang ang Fil-Am cager, napunta sa San Miguel noong 2010, bilang Accel-PBA Press Corps’ Player of the Week.
Ang tatlong sunod na three-point shots ni Cabagnot ang nagpainit sa isang 18-4 breakaway ng Boosters mula sa 75-70 lamang laban sa Barako Bull Energy patungo sa kanilang 95-83 panalo noong Biyernes sa Ynares Center sa Antipolo City.
- Latest
- Trending
