SWU, UV nanghawod sa CESAFI beach volley

CEBU, Philippines - Ang Southwestern University (SWU) ug University of the Visayas (UV) maoy nanghawod sa beach volley competition sa 2011 Cebu Schools Athletic Foundation Inc. (CESAFI) kagahapon didto sa Cebu White Sands Resort sa Marigondon, Lapu-Lapu City.

Sa women's division, ang SWU tandem nilang Danika Yolanda Gendrauli ug Princess Anne Pido mipatigbabaw batok nilang Apple Eve Saraum ug Regine Hermosa sa University of Southern Philippines Foundation (USPF), 21-15, 21-11 aron sakmiton ang korona. Sa sayo pa, ang SWU mipukan sa USPF, 21-15, 21-13 sa opener sa ilang best-of-three duel.

Sa men's division, ang tandem nilang Mike Abria ug Eldizer Sagarino mibuntog nilang Edward Ybañez ug Christopher Ryan Abut sa USPF sud sa straight sets, 22-20, 21-18.

Sa ilang kadaugan, ang SWU ug UV nakabaton og katungod aron morepresentar sa Cebu alang sa Regional Private Schools Athletic Association (PRISAA) Meet.   (BANATSPORTS)