2nd Shalom Cabling Inc. cagefest sugod na

CEBU, Philippines - Mopakita na ang upat ka koponan sa ilang katakus sa pormal nga pagbukas sa 2nd Shalom Cabling Inc. Invitational basketball tournament karong adlawa didto sa Cogon Pardo gym, ning siyudad.

Sa opening match, ang ASUKE Motors nga pangulohan sa masidlakong bitoon Mark Jayvee Tallo makigsangka sa Day-as Selection nga gibidahan sa mga former varsity players.

 Si Tallo, 17-anyos naapil na karon sa line-up sa De La Salle University (DLSU) Green Archers, apan sa sunod season   pa siya moduwa sa UAAP.

Ang kanhi Jr. NBA ug CESAFI MVP nga si Tallo bag-o lang niduwa sa Fr. Martin Cup sa Manila diin ni-average kini og 15 puntos matag duwa.

Uban ni Tallo sa ASUKE Motors mao ang iyang mga teammates kaniadto sa Cebu Institute of Technology-University (CIT-U) Wildkittens, kinsa iyang gigiyahan ngadto sa kampiyonato   sa CESAFI duha na ka tuig ang nilabay.

Sa main game, ang Southwestern University (SWU) Cobras Team-B makiglayog sa Cebu Eastern College (CEC) Dragons

Ang kompetisyon nga gipaluyohan ni Cogon Pardo Brgy. Capt. Eugenio Gabuya Jr., mosubay og double round robin format, diin ang nag-unang duha ka koponan maoy magsangka sa finals.  (BANATSPORTS)