Powerade pinayukod ang Shopinas.com
MANILA, Philippines - Maski ang hindi paglalaro ni 2011 No. 1 overall pick JV Casio ay hindi naramdaman ng mga Tigers.
Sa likod ng 31 points ni Gary David, tinalo ng Powerade ang Shopinas.com, 98-87, sa elimination round ng 2011-2012 PBA Philippine Cup kagabi sa Cuneta Astrodome sa Pasay City.
Ipinahinga ni coach Bo Perasol si Casio, miyembro ng Smart Gilas Pilipinas na nagtapos bilang fourth-placer sa nakaraang FIBA-Asia Men’s Championship sa Wuhan, China, dahil sa nabugbog nitong tuhod.
Kaagad na ipinoste ng Tigers ang isang 19-point lead, 37-16, sa first period hanggang makadikit ang Clickers mula kina Ren-Ren Ritualo, Jr., Jojo Duncil, Khazim Mirza at James Sena sa 51-55 sa pagbungad ng third quarter.
Muling nakalayo ang Powerade sa pagsisimula ng final canto, 83-81, galing kina David at Josh Vanlandingham.
Isang maikling 10-4 atake ang ginawa nina Ritualo, nagsalpak ng dalawang three-point shots, Sena at Duncil upang muling ilapit ang Shopinas sa 81-87 sa 8:21 nito.
Powerade 98 - David 31, Cruz 15, Vanlandingham 14, Lassiter 10, Antonio 8, Lingganay 6, Kramer 6, Anthony 4, Calimag 4, Adducul 0.
Shopinas.com 87 - Ritualo 19, Sena 15, Duncil 11, Mirza 9, Sison 8, Hermida 7, Espiritu 6, Jazul 6, Menor 6, Canlas 0, Canta 0, Se 0.
Quarterscores: 37-16, 55-42, 79-71, 98-87.
- Latest
- Trending
