Jocyn, Colis mag-ilog karon sa Open div. title

CEBU, Philippines - Human sa dul-an usa ka buwan nga tinaktakay, miabot na karon sa katapusang bahin ang kompetisyon sa Talisay City Mayor’s Cup 2011 basketball tournament didto sa Talisay City Sports Complex.

Mag-abot karong adlawa ang Jocyn ug Colis nga maoy mag-ilog sa kampiyonato sa open division sa maong torneyo nga gipasiugdahan sa Talisay City Sports Commission (TCSC) ug sa Talisay City Government.

Sa dili pa ang kumbati sa alas-8:30 sa gabii, magsangka una ang Digul ug C & J alang sa ikatulong dapit sa alas-7:00 sa gabii.

Ugma, ipahigayon ang championship match tali sa defending champion Tabunok batok sa Dumlog sa alas-8:30 sa gabii, human sa duwa tali sa Poblacion ug Lawaan I nga magsangka sa third place trophy.  (BANATSPORTS)