CEBU, Philippines - Nagpanikad na ang 10 ka teams nga moapil sa Buaya Seniors Basketball Association (BSBA)-Lauro's Cup 2011 basketball tournament nga buksan karong Domingo sa buntag didto sa Brgy. Buaya gym sa Lapu-Lapu City.
Usa ka parada nga pagasalmotan sa mga partisipanteng koponan ang motimaan sa pagsugod sa liga.
Mga koponan nga mopakita'g aksiyon ning tinuig nga liga naglakip sa Saymer ni Christopher Sayson, Josh Internet Cafe ni Renato Casinillo, Rulls Bakeshop ni Rupert Cañizar, Rollway Customs Brokerage ni Rolly dela Pieza, Felix & Lauro team, Matt & Ricky squad, Rene & Crispin, Demy & Nene, Elgen Lozano ug ang Tigers ni Tigre Inot.
Gipasiugdahan sa BSBA, ang torneyo gipaluyohan sab ni Buaya Brgy. Capt. Lauro Soroño, Mayor Paz Radaza Congressman Arturo Radaza ug Lapu-Lapu City councilor Harry Radaza. (BANATSPORTS)