MANILA, Philippines - Naungusan ng 100plus Isotonic Sports Drink ang Manila-Hobe Bihon, 73-71, upang patatagin ang kanilang tsansa sa MBL Corporate Cup basketball championship sa San Andres gym sa Malate.
Ang dating Lyceum of the Philippines standouts Rhum Perry Scott at Bodie Balmaceda ang nagpasiklab ng husto para sa 100plus, na nangailangan ng malakas na finishing kick upang maitakas ang kanilang ikatlong panalo sa limang laro sa eight-team tournament na itinataguyod ng Cebuana Lhuillier, Ironcon Builders, Dickies Underwear, PRC Couriers at WG Diner.
Samantala, naitakas ng Parola Maritime ang isang makapigil-hinigang 104-98 panalo sa overtime laban sa Makati Medical Center upag makasalo ang Star Group of Publications sa liderato sa kanilang 5-1 win-loss slates.
Si Pol Santiago ay gumawa ng 30 puntos, kasama na ang anim sa extra period, para selyuhan ang panalo para sa Sea Lions ni playing coach Biboy Simon.