CEBU, Philippines - Sa labing unang higayon, ang Bankal National High School mopasiugda og lumba sa dagan nga uloha'g "1st Bankal Alumni Fun Run" karong Oktubre 23 didto sa Bankal barangay hall grounds.
Usa kini ka fund-raising run ug ang matigum nga salapi maoy gawion pagtukod og multi-purpose building sa Bankal National High School.
Adunay duha ka kategoriya nga kapiliang daganan sa mga partisipante ug kini mao ang 5K mixed (male & female) ug 2.5K mixed (male & female).
Sa registration fee nga P250, ang mga entrante makadawat og singlet.
Mga ganting salapi, tropeyo ug medalya ang maangkon sa top three finishers sa matag dibisyon.
Niadtong interesadong mosalmot, mahimong magparehistro sa BNHS principal's office ug pangitaa sila si Adelina Gabaca, Remelyn Sungcad ug Jennifer Evin.
Alang sa dugang pang mga kasayoran, mahimong mokontak ni Nelson Pino (09165214434, 09228379850), Hon. Franklin Dungog (505-9355, 09324810352) ug Rene Inot (09231454187)
Gipaluyohan ang lumba sa AMA Computer, Roro Cargo Logistics, BDO, Rural Bank of Cebu South, Wealthbank ug ang Barangay Bankal. (BANAT NEWS)