USC mipalayas sa USJ-R sa CESAFI volleyball

CEBU, Philippines - Gipalagpot sa University of San Carlos (USC) ang kontrang University of San Jose-Recoletos (USJ-R) sa Cebu Schools Athletic Foundation Inc. (CESAFI) volleyball event sa miaging adlaw diha sa University of Southern Philippines Foundation (USPF) gym.

Ang USC ni coach Norvie Labuga mipukan sa USJ-R ni Cebu sports hall of famer coach Grace Antigua sa straight sets, 25-19, 25-16, 25-21.

Gipangulohan ang kadaugan nilang Dennis Sepulveda, Kennith Bensig, Bonvie Estrera uban nilang Jerone Maestre, Harvey Bernil ug Ervin Gallegos.

Ang kanhi two-time champions moduwa sa kampiyonato karong adlawa batok sa USPF, kinsa nakasud sab sa finals human nila gipilde ang Univesity of the Visayas (UV) sa upat ka sets, 25-19, 24-26, 26-24, 25-22. (BANAT NEWS)