Golden Life, 3-0 na sa HFBC cagefest

CEBU, Philippines - Nakabingwit na usab og laing dakung daog ang defending champion Golden Life pinaagi sa pagpilde sa Capitol, 92-83, sa Holy Family Basketball Club (HFBC) cagefest diha sa Wilfredo Memorial Sports Complex sa barangay Mabolo, ning siyudad.

Sa gihapon, ang reigning MVP nga si Johnny Bargamento mipakita na usab sa iyang hait nga abilidad sa opensa aron pangulohan ang Golden Life nga wala pa makatilaw og pilde sud sa tulo ka duwa.

Unang miarangkada ang Capitol diin ilang gilubong og 10 puntos ang Golden Life, 19-10 paghuman sa maong kuwarter. Apan nausab ang dagan sa second quarter dihang nasakmit sa Golden Life ang momentum ug mao na ang nakabentaha sa halftime, 45-39. 

Sa sayo pa, ang 15/30 Store may paglaum pa nga makasud sa magic four human nila gilubong ang Centro sa iskor nga 101-72.

Puntos matag usa

Unang duwa:

15 30 Store (101) - Roa 18, O. Diola 12, M. Yap 9, Ompok 6, T. Ortiz 6, Mateo 4, Joel 4, J. Ortiz 4, Gutierrez 4, Campilan 3, Helaroa 3, Opolinitisima 3, Armecin 2, Gazion 2, A.Diola 2

Centro (72) - Gilbero 22, Garciano 17, Estremos 12, Villas 8, Krisnel 6, Caputolan 4, Jardin 4, Jumao-as 2

Ikaduhang duwa:

Golden Life (92) - Bargamento 27, Migallos 15, Adolfo 10, Keith 10, Opolintisima 8, Loquellano 8, Mateo 6, Migallos 4, Yap 4, Delos Santos 4, Ortiz 4

Capitol (83) - Yap 28, Rezma 18, A.Ortiz 16, B. Ortiz 10, Romas 10, De Leon 10, Patricio 8, I. Ortiz 8 (BANAT NEWS)