CEBU, Philippines - Gilangkat sa Tuburan squad ug Balamban lady spikers ang korona sa managlahing events sa 3rd Congressman Pablo John 'PJ' Garcia Cup Inter-Barangay Officials 2011 basketball and volleyball tournaments sa Barba Sports Complex sa Toledo City.
Ang Balamban lady spikers mipukan sa host-Toledo City aron langkaton ang korona sa volleyball event. Ang Tuburan mipahiluna sa ikatulo human nila gipilde ang Pinamungajan.
Sa laing bahin, ang Tuburan cagers mipukan sa Barili sa iskor nga 81-70 aron sakmiton ang kampiyonato sa basketball event.
Ang Aloguinsan maoy mi-okupar sa ikatulo human nila gipilde ang Balamban. (BANATSPORTS)