Coach Tata Basketball Clinic sugdan karong Sabado

CEBU, Philippines - Gidapit ang mga mahiligon og basketbol, bata o hamtong sa pagsalmot sa Coach Tata Basketball Clinic nga sugdan karong Sabado, Septiyembre 3 sa managlahing binyu sa Sacred Heart School for Boys (Mango Avenue) ug sa CEC gym ground floor.

Ang head trainor/coach nga si Tata Merced nagkanayon nga modawat siya’g mga bata gikan sa otso anyos o mga dagku na’g edad, lalaki o babaye nga adunay tinguha nga makakat-on og basketbol pinaagi sa iyang pagpailawom sa training ubos sa iyang sistema.

Adunay tulo ka oras matag session gikan sa ala-1 hangtod sa alas-3 sa hapon.

Matud ni Tata nga dali ra makakat-on ang mga bata ug traditional basketball skills, ang lisod usbon mao ang kinaiya o (attitude) sa mga players.

Tudloan sab sila sa basic ug advance basketball fundamentals ingon man ang character building nga kinahanglan huptan sa usa ka tarong nga player.

Si Tata nga nakaduwa sa Great Taste sa PBA, mao karon ang assistant coach ni Mike Reyes sa University of San Carlos (USC) Warriors sa Cebu Schools Athletic Foundation Inc. (CESAFI).

Ang registration fee alang sa maong clinic nagkantidad og P500 matag bulan sulod sa upat ka sessions.

Niadtong interesadong mosalmot, mahimong mokontak ni coach Tata sa 0932-7396980. (BANAT NEWS)

Show comments