Perkins gidakop didto sa Texas

CEBU, Philippines - Gidakop sa mga awtoridad ang NBA star sa Oklahoma City Thunder nga si Kendrick Perkins tungod sa pagpasiugda og kagubot tungod sa kahubog kaniadtong Sabado sa buntag didto sa South Texas.

Ang kapolisan didto sa Beaumont, Texas, nagkanayon nga ang mga police officers nakakita og daghang tawo nga nagpundok gawas sa Ticket night club may alas dos sa kaadlawon ug nakadawat ug mga reklamo nga dunay nag-away.

Matod pa sa polis nga gibana-banang may 50 ka tawo ang nag-alirong kang Perkins nga sumala pa sa polis mosuway unta pagpakig-away sa manager sa club.

Ang katawhan mitukmod kang Perkins padulong sa gawas sa pultahan sa club samtang padayon siyang nagsiyagit-siyagit ug nagbinastos gawas pa sa paghagit sa ubang tawo sa pagpakig-away kaniya.

Gidakop dayon si Perkins ug gidala didto sa Jefferson County jail apan gipagawas ra sab gihapon human mopiyansa og $150.

Ang pagmugna og kagubot aduna lay silot nga piyansa.

Perkins’ agent Thad Foucher declined to comment about his client’s arrest.

Didto si Perkins sa Beaumont may mga 90 minutos lang gikan sa Houston diin nagpahigayon siya'g training camp aron makatigum og salapi alang sa iyang foundation nga nagtumong aron tabangan ang mga batan-on sa pagkat-on og sports ug mahilikay sa drugas. (GGM) (BANAT NEWS)