Rusiana, Ibale fighters nag-wild

CEBU, Philippines - Nakakawat og atensiyon si Gerardo Rusiana sa Team Banilad ug mga eskrimadors gikan sa Ibale Center sa 'sayaw' or forms event sa 4th Doce Pares World Championships kagahapon diha sa The Events Center sa SM City-Cebu.

 Naghari si Rusiana sa men's open category batok ni Jomar Opigal sa Brgy. San Jose Kauswagan Self Defense Brotherhood (KSDB) ug Rossini Solatorio sa United States-based PIMA Academy.

Sa laing bahin, siyam ka mga pambato sa Ibale Center ang nanghawod sab sa ilang tagsa-tagsa ka dibisyon. Sila mao si Kim Quirabo (junior boys double stick traditional), Cyramae Enero (junior girls open), Mary Louise Regala (junior girls non-traditional). Sila pulos nakakuha og 9.5 puntos. Kervy Peresores ug Juelo Senillo (junior boys single stick traditional) nga adunay 9.3 puntos, mao sab sila si Jenelyn Espiritu, Krizel Angana sa children girls open nga adunay 9.3 puntos matag usa, Cathereen Cuarez (junior girls traditional) nga adunay 9.0 puntos ug Mhyl Francis Enero (10-below open class).

Ang Ibale Center nanghawod sab sa group form open class ug nagtabla kini uban sa KSDB nga adunay 9.16 puntos matag usa, samtang ang Banilad Academy nahimutang sa ikatulo uban ang 9.13 puntos. (BANATSPORTS)