CEBU, Philippines - Gitiwasan sa White-Miami ang karibal nga Red-Dallas, 115-105 aron sakmiton ang kampiyonato sa Phase 3 Camella Homes Sunday Club basketball tournament didto sa Villas Magallanes gym sa Lapu-Lapu City.
Sa gilauman, si Rolly dela Pieza mao na sab ang bida sa White-Miami nga mipatuasik og 26 puntos.
Wala sab kapugngi sila si Malolot, kanhi PBA cager Larry Villanil, Leo Almacen ug Bebot Pleños nga pulos mitimbre og double figures nga nakahatag og dakung danyos ngadto sa Red-Dallas.
Lima lang ka players ang mibutho sa Red-Dallas ug bugtong si Balberona lang ang mi-iskor og single digit.
Ang undermanned nga Red-Dallas gipangulohan ni Alan Sepe nga miburak og 33 puntos, gisundan ni Sumilang nga adunay 29, Amay Palad sa iyang 25, samtang si Geraldez miamot og 12 puntos.
Ang Sunday Club basketball tournament pinaagi sa walay kinutobang pagpaluyo ni Rolly dela Pieza ug sa JB Sportswear ni Billy Nadado. (BANATSPORTS)