Tahas sa managsuong Fernandez

CEBU, Philippines - Managsuong Joaquin ug Nonoy Fernandez, ang magpas-an og managlahing misyon sa Thailand International Judo North Bangkok University Championship 2011 karong Hulyo 30.

Si Joaquin moaway na sab alang sa nasud uban sa mga piniling judokas gikan sa University of the Philippines.

Sa laing bahin, ang maguwang ni Joaquin nga si Nonoy, dili mopakita'g aksiyon kay ning higayonan, magsilbe kini isip coach sa women's team.

Gawas sa managsuong Fernandez, nalakip sa team mao sila si John Gil Landingin, Kevin Angelo Gonzales, Josef Gavriel Topacio, Christian Bernard Bautista, Ada Therese Estanislao, Donna Padilla ug Andrea Isabelle Callanta nga pulos gikan sa UP. (BANATSPORTS)