CEBU, Philippines - Moabot sa 40 ka mga eskrimadors gikan sa 16 ka nasud lakip na ang host Philippines ang maghugop dinhi sa Sugbu alang sa 4th Doce Pares World Congress and Invitational Tournament karong Hulyo 21 diha sa SM City-Cebu.
Lakip sa mga partisipante nga mosalmot sa torneyo nga gipasiugdahan sa Doce Pares mao ang United States, Indonesia, England, Ireland, Germany, Hungary, Switzerland, Norway, Italy, Greece, Korea, Belgium, Holland, Australia, Reunion Island, France, Canada ug Puerto Rico.
Atol sa press conference kagahapon sa SCOOP Forum sa Baseline, si Doce Pares Supreme Grandmaster Dionisio Cañete nagkanayon nga gibana-banang 150 ka mga eskrimadors lakip na niini ang mga Pinoy ang magbinunalay sa maong invitational tournament.
"This will also serve as preparation for the eskrimadors for the national tournament next year," matud pa ni Cañete. "Mag-expect gyud ta ani nga mopakita og nindot nga duwa atong mga local eskrimadors batok sa mga foreigners."
Mga kategoriya nga tigian naglakip sa juniors, seniors, men’s, women’s ug children’s class.
Gawas sa torneyo, apil usab sa usa ka semana nga kalihukan sa Doce Pares ang meeting, review ug re-examination sa mga opisyal sa Doce Pares ug ang pagbukas sa bag-ong nahuman nga Eskrima Temple didto sa barangay Lahug. (BANATSPORTS)