CEBU, Philippines - Si Rafael Nadal man tuod maoy defending champion karon sa Wimbledon, usa sa 16 ka tennis players nga padayon karong nagpakita'g aksiyon sa grass court apan si Roger Federer maoy paborito tungod sa iyang 44-1 nga record karong tuiga.
Wala pa sab sukad mapilde si Federer sa Centre Cort sa Wimbledon ug yano kaayo niyang gibuntog ang iyang mga kaparang sa French Open nga sila si Novak Djokovic ug Nadal aron maangkon ang ikalimang titulo sulod sa 10 ka tuig.
Si Djokovic maoy nagsunod sa ranking ni Federer ug ikatulo lang si Nadal sa mga paboritong tennis players nga pabiling nagbarug karon sa men's division sa Wimbledon.
Ang U.S. tennis star nga si Andy Murray kinsa usa ka lig-on nga contender maoy ika-upat ug si Juan Martin del Potro sa Argentina maoy ikalima sa listahan.
Ania ang ubang tennis players nga pabilin karong nagduwa didto sa Wimbledon--- Jo Wilfried Tsonga, Tomas Berdych, David Ferrer, Mardy Fish, Mikhail Youszhny, Richard Gasquet, Felicinao Lopez, Bernard Tomic, Xavier Malisse, Michael Llodra ug Lukasz Kubot.
Pippen: jordan "best player," dili si LeBron
Mitataw si Scottie Pippen nga nagtuo gihapon siya nga si Michael Jordan maoy "best player ever" sa NBA ug dili si LeBron James.
Sumala pa ni Pippen kinsa mitug-an sa usa ka reporter samtang mihimo'g pakigpulong sa usa ka youth camp didto sa Lisle, Chicago, nagkanayon siya nga hisaypan lang siya pagkutlo sa iyang gipanulti. Matod pa niya nga igo lang siyang mihatag og opinion ngadto sa ESPN radio sa miaging buwan ug nagkanayon " just giving LeBron some props as a player”dihang gitandi si Jordan ni James.
Matod pa ni Pippen “all know that (Jordan’s) the greatest player that ever played the game” and that his comments were taken “a little bit out of context.”
Si Jordan teammate ni Pippen sa Bulls kinsa midaog ug unom ka championships sa 1990s. Ang panahom ni Pippen nakapa-ukay sa NBA sa miaging buwan dihang gipukan sa Heat ang Chicago atol sa Eastern Conference finals.
Isip usa ka team ambassador sa Chicago, si Pippen mitug-an sa ESPN radio pinaagi sa pag-ingon nga --- while Jordan “is probably the greatest scorer,” James “may be the greatest player to ever play the game.”
Matod pa ni Pippen nakighinabi na sila ni Jordan sa makadaghang higayon ug walay kayugot nga gibati tali kanilang duha. (GGM)(BANAT)