Cancer survivors, mabdos apil sa POGS Run

CEBU, Philippines - Talagsaong lumba na usab ang mahitabo sa kadalanan sa siyudad sa Sugbu sa paglusad sa Philippine Obstetrical and Gynecologist Society (POGS) Run karong Hulyo 31 diha sa The Terraces sa Ayala Center Cebu.

Susama sa miaging mga lumba, ang POGS Run aduna gihapon kini tulo ka kategoriya -- 15K, 8K ug 3K fun run, apan ang nakalahi mao ang pagdugang nila og 1K category alang lang sa mga mabdos, cancer survivors ug bisan mga babaye nga anaa na sa menopausal stage.

Ang maong lumba usa usab ka fund raising program, diin ang matigom nga salapi ihatag ngadto sa Philippine National Red Cross nga motabang ngadto sa mga kabus nga mga babayeng pasyente nga nanginahanglan og dugo diha sa Vicente Sotto Medical Center ug Cebu City Medical Center.

Niadtong mga interesado, mahimong magparehistro sa RUNNR sa Ayala Center Cebu. Aduna kini registration fee nga P250 alang sa 1K, 3K ug 8K, samtang P300 alang sa 15K. Alang sa dugang mga detalye, mahimong motawag sa 09056320495. (BANATSPORTS)