Patalaan sa PBaRS magtatapos bukas

MANILA, Philippines - Magtatapos bukas ang pagpapatala para sa second leg ng MVP Sports Foundation-Bingo Bonanza Philippine Badminton Ranking System (PBaRS) na hahataw sa Mayo 31-June 5 sa Pohang Badmin­ton Courts sa Bacolod City.

Ang Bacolod event ay bahagi ng programa ng PBaRS para mabigyan ng pagkakataon ang mga players mula sa probinsya na makaharap ang mga ma­gagaling na shuttlecockers at makakuha ng ranking points.

Tatanggapin ang mga entries hanggang alas-6 ng gabi sa PBaRS office sa No. 20 E. Maclang St., San Juan City.

Ang mga players na sumali na sa first leg ay hindi magsusumite ng kanilang NSO birth certificates o proof of citizenship. Para sa mga detalye ay mag-log on sa www.pbars.com o mag-email [email protected].

Ang PBaRS series nationwide tournaments ay proyekto nina Vice President Jejomar Binay, Rep. Albee Benitez at businessman-sportsman Manny Pa­ngilinan.

Ang Davao ang mamamahala sa third stage sa Hulyo 31 hanggang Agos­to 6 bago matapos ang circuit sa pamamagitan ng VP Grand Prix Badminton Open Championships sa Oktubre 22-29 sa Manila.