2 World Cup slot nakataya

MANILA, Philippines - Tatlong malalaking pa­laro sa chess ang gagawin sa bansa kung saan naka­taya ang dalawa pang na­la­labing slot para sa World Chess Cup.

Unang gagawin ang Asian Youth chess championship mula Mayo 14 hanggang 22 sa Subic at susundan ng Asian Zone 3.3 Chess Championship sa Tagaytay City sa Mayo 23 hanggang 31. Matapos ito ay babalik uli ang laro sa Subic para sa LWUA Chairman Prospero Pichay Cup International Chess tournament mula Hunyo 1 hanggang 9 sa Verona Hall ngTraveler’s Hotel.

Makikinabang din ang mga local chess players sa mga torneong ito dahil magkakaroon sila ng pag­kakataong makasukatan ang mga bigating dayuhan.

Bukas sa standard chess at blitz chess ang Asian Youth ay katatampu­kan din ng anim na iba’t-ibang age groups sa kalalakihan at kababaihan.