Summer clinic sa lungsod sa Consolacion sugdan ugma
CEBU, Philippines - Buksan na ugmang adlawa ang basketball summer clinic alang sa mga kabatan-onan sa lungsod sa Consolacion didto sa Consolacion Sports Complex.
Ang usa ka buwan nga clinic nga libreng gidalit sa kagamhanan sa lungsod sa Consolacion bukas sa mga kabatan-onan nga nag-edad og sayes anyos ngadto sa 13-anyos.
Ang registration kutob lang karong adlawa. Sa mga gustong mosalmot magpalista ngadto ni Louie Malagar sa Consolacion Sports Complex o tawag sa numero 0923-4045411.
Gawas sa basketbol, may soccer training camp sab nga himuon ni Councilor Nilo A. Ferraren.
Tumong sa maong summer sports clinic mao ang pagbaid sa abilidad sa mga masaarong atleta gikan sa Consolacion.
Ang maong proyekto gisuportahan ni Mayor Teresa P. Alegado uban ni Vice Mayor Aurelio Damole ug mga miyembro sa Sangguniang
Bayan. (BANATSPORTS)
- Latest
- Trending
