CEBU, Philippines - Midaog ang Bank of Philippine Islands (BPI) ug ang Philippine Institute of Certified Public Accountant (PICPA) batok sa tagsa-tagsa nila ka mga kaatbang sa nagpadayong 2011 Cebu United Bankers Association (CUBA) Summer Basketball League didto sa Our Lady of Sacred Heart Parish Gym.
Gisakyan sa BPI cagers ang ilang dakung scoring run sa second period aron maangkon ang 63-59 nga kadaugan batok sa Heat, samtang ang PICPA midaog bisan pa sa kainit sa Suns, 75-66.
Gibiyaan og uno punto ang BPI sa first period, 15-16, apan gibawi nila kini sa second period diin miposte kini og 30-22 nga labaw. Sukad niadto, gikontrolar na sa BPI ang duwa paingon na ngadto pagkutlo og kadaugan.
Puntos Matag Usa
Unang duwa:
BPI (63) - Jordz 16, Sumalo 13, Mabanto 10, Borines 8, Hendrix 4, Saliz 4, Soco 4, Ong 3, Tecson 1
Heat (59) - Allera 18, Chua 11, Aparri 9, Ho 7, Navarro 5, Cenita 4, Ruzi 4, Yamyamin 1
Ikaduhang duwa:
PICPA (75) - Tocao 18, Manulat 16, Alejandre 14, Bansucan 10, Guieb 8, Talaroc 4, Bandala 4, Balucan 1
Suns (66) - Minoza 15, Osorio 14, Maravilla 13, Gabales 10, Dominguez 7, Minoza 7 (BANAT NEWS)