Gaisano daog sa OT

CEBU, Philippines - Hitaghapan gyud sa Rose Aquarius Merchandising ang mas lig-on og contender Lion Tiger human sila mokulit og impresibong 77-69 nga kadaogan kaniadtong Sabado sa gabii samtang mao na sa ginhawang paningkamot sa topseed Gaisano Capital aron dili ma-upset sa Prime Asia Pawnshop aron maka-eskapo ngadto sa 79-74 nga kadaogan alang sa ilang ikapitong sagunson nga daog atol sa nagpadayong 5th CESAFI Partner’s Cup didto sa nagpunsisok nga Tabunok gym.

Sa sayo pa, midaog ang San Marino Corned Tuna batok sa Winner Beef Loaf, 83-76 alang sa ilang 5-3 nga baraha.

Ang Rose Aquarius ni coach Raul Latonio, Sr. milabay unta sa ilang 10 puntos nga labaw sa second period, 29-19 apan nakarekober sa uwahing bahin sa third period ginamit ang maayong opensa ug hugot nga depensa.

Misamot kadako ang tsansa sa Rose Aquarius nga modag dihang gitawagan og technical foul si Edrian Lao sa Lion Tiger sa uwahing bahin sa fourth period.

Lima ka players sa Rose Aquarius ang mibahug og 10 puntos matag usa ug bugtong si Lao lang sa habig sa 7-2 nga Lion Tiger sa iya sab nga 10 puntos.

Ang Prime Asia migamit sa ilang outside sniping aron makapugos og overtime apan tungod sa dominanteng presensiya sa 6-9 nga higanteng si Junemar Fajardo, wala sila makasustenir sa overtime period.

Si Giovanni Padilllo maoy naghatod sa duwa ngadto sa overtime pinaagi sa usa ka triple sa nahibiling 15 segundos alang sa 62-all ug misipyat ang Gaisano sa ilang kataposang ball possession.

Miburak og 31 puntos si Fajardo alang sa 7-0 nga Gaisano samtang si Sam Hermosa may 18 puntos alang sa Prime Asia nga aduna nay 3-4 nga baraha.

Usa ka one-minute silent prayer ang gihimo sulod sa gym agi’g pagtamud sa mipanaw nga UC (CCC) high school coach Mariano “Dodng” Agas, Sr. kinsa namatay niadtong Biyernes Santo sa edad 80.

Silang Benito Ortuyo ug Bonifacio Guillena maoy nangu sa San Marino sa ilang 16 ug 15 puntos, matag usa samtang ang rookie nga si Steve Castro mibahug og 20 puntos alang sa pilderong Winner.

Puntos matag usa:

First Game:

San Marino (83) — Ortuyo 16, Guillena 15, Limalima 11, Pacquiao 11, Armecin 7, Goloran 6, Pineda 7, Hernando 4, Brigondo 4, Arong 2

Winner (76) — Castro 20, Curso 16, Batiquin 11, Lopez 7, Dimco 5, A. Nazareno 5, Felisario 5, D. Nazareno 3, Taboada 2, Taghoy 2

Second Game:

Rose Aquarius (77) — E. Ferraren 10, Sedurifa 10, Nudalo 10, Dajalos 10, J. Ferraren 10, Maraño 9, eca 8, Cabahug 4, Genobia 2, Corcilles 2

Lion Tiger (69) — Lao 10, Premacio 8, Silva 7, Mendoza 7, Saycon 7, Rios 6, Abad 5, Belano 5, Mercader 5, Cincoflroes 3, Graf 2, Arong 2 Codilla 1, Perolino 1

Third Game:

Gaisano Capital (79) — Fajardo 31, Mohammad 12, Heruela 10, Pogoy 8, Bercede 6, Magallanes 3, Caytuna 3, Yburan 3, Batua 2, Tan 1

Prime Asia (74) —Hermosa 18, Padillo 13, Cantonao 7, Cortes 6, Reyes 5, Duran 5, Bautista 4, Santos 4, Belangel Magat 2, Adlawan 2 (GGM)(BANAT NEWS)