David gi-itsapwera

CEBU, Philippines -  Numero uno sa scoring sa PBA si Gary David sa Powerade Tigers, apan wala siya malakip sa line-up sa North squad alang sa 2011 PBA All-Stars.

Si David nag-average og 21.5 puntos sulod sa duha ka season, apan wala pa gyud kini mahatagi og higayon nga moduwa sa All-Star game.

Xiaojing sa RP women’s team

Kun adunay Marcos Douthit ang Smart Gilas Pilipinas, laraw usab sa RP women’s basketball team nga mokuha’g kaugalingon nilang naturalized player alang sa ilang kampaniya 24th FIBA-Asia Championship.

Ang Samahang Basketbol ng Pilipinas (SBP) mi-endorsar sa 6-foot-3 nga si Zheng Xiaojing sa China aron himuong usa ka naturalized citizen alang sa RP team.

Love, most improved

Ang sentro sa Minnesota Timberwolves nga si Kevin Love mao ang nakadawat sa “Most Improved Player of the year” alang sa 2010-2011 season sa NBA.

Si Love kinsa maoy nagkupot sa record sa 53 consecutive double-doubles, nag-average og 20.2 points ug 15.2 rebounds matag duwa.

Darchinyan daog

Nidaog pinaagi sa technical unanimous decision ang Armenian knockout artist nga si Vic Darchinyan batok ni Yonnhy Perez kagahapon didto sa Los Angeles .

Si Darchinyan nga misakmit sa IBO bantamweight title, maoy nakakuha sa daog pinaagi sa puntos dihang gihunong og sayu ang away human magisii sa agtang si Perez tungod sa accidental head butt. (LPM) (BANAT NEWS)