Heat, Bulls, Hawks, Mavericks wagi sa Game 1

MIAMI — Pinanood ni­na Chris Bosh at LeBron James ang pagbibida ni Dwyane Wade sa cham­pion­ship run ng Miami Heat noong 2006.

At natunghayan nila ito nang malapitan kahapon.

Humugot si Wade ng 5 sa kanyang 17 points sa huling 1:35 ng fourth quar­ter upang iligtas ang Heat sa pagkulapso kontra Phi­ladelphia 76ers, 97-89, sa Game 1 ng kanilang Eas­tern Conference quarterfinal se­ries.

Humakot si Bosh ng 25 points at 12 re­bounds, habang nagtala si James ng 21 points at 14 re­bounds para sa Miami.

“The only number that matters right now is 1-0,” sa­bi ni Wade. “That’s all it’s about.”

Pinangunahan naman ni Thaddeus Young ang 76ers sa kanyang 20 points at 11 rebounds kasunod ang 19 markers ni Jrue Holiday at 17 ni Elton Brand.

Ito ang ikalawang pagka­kataon na napakawalan ng 76ers ang kalamangan sa se­cond quarter sa Heat.

May 4-0 rekord ngayong sea­son ang Miami laban sa Phi­ladelphia.

Matapos maubos ang iti­nayong 14-point lead sa se­cond period, nakalapit ang 76ers sa 87-88 mula sa isang 12-0 atake.

Isinalpak ni Bosh ang da­lawang freethrows, habang naikonekta naman ni Wa­de ang isang mahirap na bank shot para sa 92-87 ben­tahe ng Heat.

“We’ll take this first win,” wi­ka ni Fil-Am Heat coach Erik Spoelstra. “Hopefully who we’ve been the last few weeks will be more who we’ll be the rest of the series, par­ti­cularly offensively. We were not very efficient tonight.”

Sa Chicago, umiskor si Der­rick Rose ng 39 points, ha­bang nagdagdag si Kyle Kor­ver ng isang three-poin­ter sa huling 48 segundo pa­ra ibigay sa Chicago Bulls ang 104-99 panalo kontra In­diana Pacers.

Tumipa si Rose ng dala­wang freethrows sa hu­ling 14.8 segundo para sa 104-99 abante ng Bulls matapos ang mintis na tres ni Danny Gran­ger para sa Pacers.

Sa iba pang laro, tinalo ng Atlanta Hawks ang Or­lan­do Magic, 103-99; at bi­nigo ng Dallas Mavericks ang Portland Trail Blazers, 89-81.