CCUPA midaog batok sa Pimentel Brokers

CEBU, Philippines - Gipakuratan sa host Cebu Customs United Personeros Association (CCUPA) quintet ni president Yoly Cena ang lig-on nga karibal ang Marty Pimentel (MP) Customs Brokerage ni skipper Francis Ibo pinaagi sa pagpapas sa ilang 14 puntos nga biya ug midaog pinaagi sa usa ka come-from-behind nga kadaogan sa iskor, 78-73 kaniadtong Sabado ug pabiling walay pilde sa ilang 3-0 nga baraha atol sa nagpadayong 1st CCUPA basketball tournament last Saturday at the Benjamin Solon Memorial Gym in barangay Cogon Ramos, ning dakbayan.

Sa sayo pa, gilubong sa MDJL/MS Trucking ang MAJOS Brokers sa iskor, 83-61 aron hatagan ang nauwahi sa labing unan ilang pidle sulod sa tulo ka duwa.

Naglabaw unta ang Pimentel, 73-72 sa basket ni Albert Arong may 55 segundos ang nahibiling oras apan kalit silang nakuyapan human sa three-pointer ni Loreto Castillo kinsa maoy nahimong bayani ug mibaswat sa iyang team ngadto sa kulba-hinam nga kadaogan.

Si Castillo maoy nagbayaw og balik sa labaw sa CCUPA, 75-73 may 35 segundos ang nahibilin ug ang duha ka free throws ni Francis Palero maoy miselyado sa ilang kadaogan bisan pa og nabiya-an sila’g 14 puntos sa halftime, 34-48.

Miposa og 12 puntos silang Castillo ug Palero apan ang beteranong sentro nga si Takloy Moral maony nangu sa opensa sa ilang 21 puntos.

Ang Pimentel ni coach ug ex-CIT Wildcat gunner Armand Gonzaga naghupot na karon og 2-1 nga baraha.

Nawagtang sa focus sa ilang duwa ang Pimentel dihang nagpadala sila sa physical game sa CCUPA ug human tawagi og technical foul si Elmar Miscala tungod sa pagtuyo ug siko kang Reden Villaronza, nausab ang ilang duwa ug mikulapso didto sa naghinapos na ang kumbate.

Si Arong maoy nangu sa Pimentel Brokers with 12 puntos samtang sila si Ibo ug Noel Medalle midugang og 11 puntos matag usa ug miamot si Miscala og 10 puntos.

Dihang biya sila og tres puntos, 73-76 may higayon pa untang ihatod nila ang duwa ngadto sa overtime sa kataposang 17 segundos apan misipyat si Medalle sa iyang three-point attempt may sayis segundos na lang ang oras.

Puntos matag usa:

CCUPA (78)— Moral 21, Cedeño 14, Palero 12, Castillo 12, Villaronza 7, Agustinez 4, Solidarios 2, Cañete 1, Villagracia 1, Sagario 1

Pimentel (73)— Arong 12, Medalle 11, Ibo 11, Miscala 10, Condes 8, Pimentel 4, Maningo 4, Bensi 4, Herbito 3, Allerite 2, Manlosa 2, Pangue 2 Halftime: 34-48 .  - BANAT NEWS