Texters sa game 1
MANILA, Philippines - Kung nagawa ng Express na makabangon mula sa isang 18-point deficit sa first half upang talunin ang Aces sa nakaraang quarterfinals series, hindi naman ito nangyari sa kanilang semifinals showdown ng Tropang Texters.
Sinandigan ang dalawang beses nilang pagpoposte ng isang 21-point advantage sa second period at third quarter, tinalo ng Talk ‘N Text ang Air21, 97-90, sa Game One ng kanilang best-of-five semis wars para sa 2011 PBA Commissioner’s Cup kagabi sa Araneta Coliseum.
Nagtumpok si import Paul Harris ng 31 points at 13 rebounds, habang nagtala naman si Ranidel De Ocampo ng 27 markers at 12 boards para sa 1-0 abante ng Tropang Texters sa kanilang serye ng Express.
Ang PLDT franchise ang naging No. 1 matapos ang elimination round.
“They are one of the toughest team in the league and they have the best import in the league, but tonight we played our roles,” sabi ni Harris, naging bahagi sa paglilista ng Talk ‘N Text, ang 2011 PBA Philippine Cup, ng 21-point lead, 43-22, sa 7:35 ng second period.
Isang 16-4 atake naman ang ginawa ng Air21 upang makalapit sa 38-47 agwat sa 3:31 nito mula kina import Alpha Bangura, Leo Najorda, Danny Seigle at Leo Avenido.
Muling itinumpok ng Tropang Texters ang isang 21-point spread, 80-59, sa huling 1:46 ng third quarter buhat sa dalawang freethrows ni Harris hanggang muling maibaba ng Express ang naturang kalamangan sa 84-91 sa 5:20 ng final canto.
Tumipa si Harris ng dalawang sunod na basket para muling ilayo ang Talk ‘N Text sa 95-84 kasunod ang isang three-point shot ni Wynne Arboleda, jumper at split ni Bangura para idikit ang Air21, tinalo ang Alaska, 2-1, sa kanilang best-of-three quarterfinals duel, sa 90-95 sa huling 34.4 segundo.
- Latest
- Trending
