CEBU, Philippines - Adunay walo ka teams ang kompirmadong mopakita'g aksiyon sa Barangay Suba Basbas SK Summer 21-under Inter-Sitio basketball tournament nga buksan karong Domingo didto sa ilang gym sa nahisgutang barangay sa dakbayan sa Lapu-Lapu.
Ang liga gipasiugdahan ni Suba Basbas barangay councilor ug kanhi USJ-R Jaguar cager Luther Justiniani uban sa suporta ni SK chairman Genivive Aro.
Ang walo ka teams nga mosalmot naglakip sa Mindulog, Kapilis, Tribu, Panas Lower, Panas Upper, Sitio Sagpuron, Poblacion ug Sitio Lawis.
Gibahin kini ngadto sa duha ka bracket ug moduwa kini og single round-robin format diin ang top two sa matag bracket moabante sa semifinals.
Ang winners sa semis maoy magsangka sa kampiyonato ug ang mga pilderong koponan mag-ilog sa ikatulong puwesto.
Magsangka sa opening game mao ang Mindulog ug Kapilis sa alas-7 sa gabii, sundan sa duwa tali sa Tribu ug Panas Lower sa alas-8 sa gabii. (BANATSPORTS)