Central Visayas nag-una karon sa PCG

CEBU, Philippines -   Nag-una na karon ang Central Visayas human sa tulo ka adlaw nilang kampanya sa Philippine Collegiate Games (PCG) kagahapon didto sa Quirino Enriquez Sports Complex sa Zamboanga City.

Ang Central Visayas mihakot og 42-gold, 33-silver ug 30-bronze medals, gisundan sa Calabarzon sa ilang 35 ka golds, 36 silvers ug 32 bronzes, ikatulo ang Western Visayas nga adunay 28-34-35 gold-silver-bronze medal tally.

Si Loren Dale Echavez mitapos sa iyang kampanya sa swimming event pinaagi sa pagkulit og bag-ong rekord sa 40m freestyle event. Nanghawod sab siya sa 200m freestyle.

Si Abegail Sakib mitampo og gold alang sa Central Visayas pinaagi sa 200m individual medley ug sa 4x200 freestyle uban nila ni Echavez ug Claudia Candia.

Sa karatedo event, si Ann de Riarte sa University of Cebu, Lynie Narboada sa University of San Jose-Recoletos ug Mary Ann Vergara sa University of Visayas misakmit sa kampiyonato sa kumite event.

Sa dancesport event, ang tandem nilang Barbie Caryl Vallente ug Nelson Jabonero Jr. mao

 ang miangkon sa gold sa latin category.

Si Sallydine Siso mao ang nanghawod sa women’s individual singles event sa lawn tennis.

Ang defending men's volleyball champion University of San Jose-Recoletos niabante ngadto sa semifinal round human nila gipilde ang Region 2 sa quarterfinals, 25-15, 25-14, 25-17. (BANAT NEWS)