Gaisano Capital, 3-0 na sa Partners' Cup

CEBU, Philippines - Ang triple ni Robinson Mohammad sa katapusang 53 segundos ug ang split charities ni 6-foot-9 Junemar Fajardo sa daginutong oras maoy yawi sa kadaugan sa Gaisano Capital batok sa Rose Aquarius kagahapon sa nagpadayong 6th CESAFI Partners' Cup didto sa Cebu Coliseum.

Wala kaapil si Mohammad sa warm-up aron makarekober gikan sa iyang kaluya, maoy nakapatabla sa iskor, 62-all sa wala niya patilawa ang iyang team og 65-62 nga labaw pinaagi sa iyang 3-pointer.

Usa kadto ka dakung daog alang sa Gaisano Capital kay nakabawi man kini human maalkanse og 10 puntos sa third period, 33-43 sa tunga-tungang bahin sa maong kuwarter.

Ang Gaisano Capital nga nagsalig sa ilang gitas-on ug solidong depensa, milupig og pinuntosay sa Rose Aquarius aron tapuson ang third period uban ang 48-47 nga bentaha.

Sa ikaduhang higayon, si Gerald Ampoon mipakita sa iyang katakus diin mi-iskor og 10 puntos uban ni rookie Roger Caytuna ug si Fajardo nihimo lang og otso puntos alang sa Gaisano Capital nga temporaryong nag-una sa liderato bitbit ang 3-0 nga baraha.

Ang Rose Aquarius gipangulohan ni Lawrence Maraño, kinsa miburak og 11 puntos.

PUNTOS MATAG USA

Gaisano Capital (66) - Ampoon 10, Caytuna 10, Fajardo 8, Magallanes 8, Mohammad 7, Batua 7, Pogoy 7, Pao 3, Aranas 2, Labolabo 2, Batino 2

Rose Aquarius (62) - Maraño 11, Dajalos 9, J. Ferraren 8, Sedurifa 8, Avila 7, Sollano 4, Linao 3, Fuentes 3, Corcilles 2, Nudalo 2, Genobia 2, Misa 2   - BANAT NEWS