Three Sixty Pharmacy night run
CEBU, Philippines - Dili momenos 500 ka luna ang bakante alang sa labing unang night race, ang Three Sixty Pharmacy-1 karong Sabado diha sa Mandaue City reclamation area.
Kagahapon, may 1,000 runners na ang nagparehistro alang sa maong lumba.
Gilimitahan lang sa organizers ang numero sa mga partisipante ngadto sa 1,500.
Ang lumba adunay tulo ka kategoriya -- 10k, 5k ug 3k fun run.
Ang unang 200 finishers sa 10K makadawat og pinatuyo'g buhat nga medalya gikan sa Suarez and Sons Inc., samtang ang top performers sa regular categories makadawat og ganting salapi. Ang top kiddie runners makadala og gift packs.
Ang registration fee nagkantidad og P300 alang sa 10K ug P250 alang sa 5K ug 3K.
Mahimong magparehistro sa Nike sa Banilad Town Center, Centre for Sight sa Cebu Doctors’ University Hospital ug Three Sixty Pharmacy kilid sa Ala King Restaurant sa may Chong Hua Hospital. – BANAT NEWS
- Latest
- Trending
