4th Mayor's Cup Run sa Mayo 1

CEBU, Philippines - Ang Mandaue Sports Commission (MSC) uban sa Mandaue Runners Club (MRC) mopasiugda og lumba sa dagan nga pagauloha’g “4th Mayor’s Cup Run” karong Mayo 1 diha sa Park Mall, Mandaue City.

Hiniusang proyekto sa MSC ug MRC, ang lumba gibahin sa lima ka kategoriya, ang 12K open (men and women), 12K master A (41-50 years old), 12K master B (51 year old and above), 6K open (men and women), 6K inter-barangay (men and women) ug 3K inter-barangay (12 year old/ boys and girls).

Ang inter-barangay runs alang lamang sa mga partisipante nga nagpuyo sa dakbayan sa Mandaue.

Ang top five finishers sa 12K open, 12K masters A-B ug 6K open makadawat og ganting salapi. Makadawat sab og ganting salapi ang top ten finishers sa 6K ug 3K inter-barangay runs.

Ang registration period gikan sa Abril 10 hangtod sa Abril 25, 2011 diha sa Mandaue City Cultural and Sports Complex.

Sa registration fee nga P250, ang mga partisipante makadawat og libreng singlets ug race bib.

Alang sa dugang mga pangutana kalabot sa 4th Mayor’s Cup, mahimong motawag ni Roy S. Lansang sa 344-0184 ug Democrito Branzuela sa 348-7944 o di ba sa 09276147786. – BANAT NEWS