Crv ug Vikings milampos

CEBU, Philippines - Mikulit og laing daog ang CRV quintet ni team owner Michael Garcia batok sa defending champion Simpolang Barbecue Haus, 77-64 aron pakgangon ang record nga 44 puntos nga nakulit ni Ryan Villaver aron mo-abante ngadto sa solong ikaduhang pwesto sa nagpadayong 3rd F. Llamas Youth Association (FYA) basketball tournament kaniadtong Huwebes didto sa sitio Manggahan open court didto sa barangay Punta Princesa, ning dakbayan.

Sa laing duwa, gilumsan sa Vikings ang OMKI Megavolts, 76-69 aron sab mohinay-hinay og abante sa unahan ug pabiling buhi sa ilang kampanya sa semifinals.

Sa ilang 4-1 nga baraha, ang CRV biya na lang og usa ka duwa sa way pilde ug solo leader nga ANKLA (5-0) samtang ang Simpolang mikanaog ngadto sa 2-5 nga baraha ug nahimutang na sa delikado nga matagak.

Si Ago Estella maoy nangu sa CRV sa iyang 21 puntos ug si Garcia midugang og 12 puntos.

Si Jorge Canceko maoy nangu sa 3-2 Vikings sa iyang 17 puntos ug ang 2-2 nga Megavolts gipangulohan ni Loloy Jorbita sa iyang 20 puntos ug ang team owner nga si Robert Rabi midugang og 11 puntos.

Puntos matag usa:

First Game:

CRV (77)— Estella 21, Garcia 12, Tomada 9, Caballero 8, Babao 8, Torrelisa 4, Bacayan 4, Cañete 2

Simpolang (64)— Villaver 44, Canceko 11, Tabar 5, Ramoneda 2, Laurente 2

Second Game:

Vikings (76)— Canceko 17, Lañojan 11, Gidiongco 8, Cal 7, Basalo 6, Pacaña 6, Baldago 5, Avila 4

OMKI (69)— Jorbita 20, Rabi 11, Jakosalem 8, Reubal 7, Gemperoa 10, Tabares 6, Labrador 4, Abella 3, Palo 2 (BANAT NEWS)