Lumba alang sa kabus ug kinaiyahan
CEBU, Philippines - Ang C24/7 Natura-Ceuticals mopasiugda sa labing una nilang lumba nga uloha'g "Fun-Run in Cebu 2011" karong Abril 10 diha sa Terraces sa Ayala Center Cebu.
Dili lang isip usa ka marketing strategy, ang lumba magsilbe nga run for a cause alang sa mga kabus nga pamilya diha sa Barangay Inayawan ug Pardo.
Tipik usab sa salapi nga matigom ihatag ngadto sa PNP Central Visayas alang sa ilang tree planting program.
Ang lumba adunay 10K, 5K ug 3K categories.
Gawas sa delegasyon gikan sa PNP, mosalmot sab ang Philippine Airforce, Philippine Navy ug mga out-of-town runners gikan sa Bacolod ug Davao.
Gilauman sa organizers nga moabot ngadto 2,000 ka partisipante ang modagan sa maong lumba.
Ganting salapi ug scholarship certificates ang maangkon sa top placers sa matag kategoriya.
Ang registration fee nagkantidad og P300 ug mahimong magparehistro sa Runnr sa Ayala Center-Cebu ug Cebu City Sports Commission’s office sa Cebu City Sports Center. - BANAT NEWS
- Latest
- Trending
