CEBU, Philippines - Pambato sa Bulacao National High School nga si Kierlyn Sebial maoy misakmit sa titulo sa juniors category sa 2nd PMS Chess Club Inc. (PMSCCI) Monthly Chess Tournament Cup sa miaging adlaw didto sa V-Corner Rabaya St. Nonoc Brgy. Tabunok, Talisay City.
Iyang gipilde si John Rynyl Panal sa Cansojong National High School paghuman sa seven-round Swiss system nga mipahiluna sa ikaduhang dapit. Si Kenneth Sebial mi-okupar sa ikatulo, samtang ang teammate ni Panal nga si Jose Mark Estillore mipahiluna sa ikaupat ug si Gemaila Rabago sa St. Scholastica Academy maoy mikapyot sa ikalima.
Sa laing bahin, si Justice Sousa sa Talisay Elementary School mipukan ni Mardion Panolino aron masakiyo ang tropeyo sa kiddies class.
Si Ivan Campaner sa Bulacao Elementary School maoy miangkon sa ikatulo, samtang si Andy John Perialde mitapos sa ikaupat. (BANATSPORTS)