Surban mikadlit sa PNM mountainbike challenge

CEBU, Philippines - Walay nakababag ni Cebuano cyclist Niño Surban pagsakmit sa titulo sa expert open class sa "Paghandum Ni Magsaysay" (PNM) Mountainbike Challenge niadtong Domingo didto sa Balamban.

Bitbit ang taas nga kasinatian, yano ra kaayong gisubay ni Surban ang tungason nga Transcentral Highway paingon ngadto sa tiilan sa Mt. Manunggal.

Si Ronie Cabaluna maoy miangkon sa ikaduhang dapit, samtang si Randy Carbonera ang mi-okupar sa ikatulo.

Ang taga-Toledo nga si Nilo Barbalose maoy nidominar sa master's division. Sila si Melencio Java ug Joney Tibay maoy mipahiluna sa ikaduha ug ikatulo nga dapit.

Si Ramon Espinosa mao ang misakmit sa titulo sa veteran’s class, samtang si Nick Malon mao ang ninghawod sa executive division.

Si Marvin Tapic mao ang nag-una sa combined junior ug senior class category, samtang si Gian Carlos Robles maoy nipatigbabaw sa beginners class.     - BANAT NEWS