MANILA, Philippines - Idaraos ng Diliman Preparatory School (DPS) ang 2011 Swimming Intramurals sa Marso 26 sa Diliman Prep-SPSA Swimming Complex sa kampus nito sa Commonwealth Avenue, Diliman, Lunsod Quezon.
Maglalaban ang mga manlalangoy mula sa elementary at hayskul sa pitong events. Ang mga ito ay ang 25-metrong Butterfly, Backstroke, Breaststroke at Freestyle at ang 100-metrong Medley Race para sa indibidwal na kompetisyon, at ang 4x25-metrong Freestyle Relay at 4x25-metrong Medley Relay para naman sa team competitions.
Ang kompetisyon ay para sa mga batang may edad 8-anyos pababa, 9-anyos hanggang 12 taong gulang, 13 hanggang 14 taong gulang, at 15 hanggang 17 taong gulang para sa lalaki at babae.
Hahatiin ang mga sasali sa mga koponan na may tig-isang guro ng PE bilang coach.
May gold, silver at bronze na medalyang naghihintay para sa Top 3. May mga tropeo ding ibibigay para sa Most Outstanding Swimmer sa bawat kategorya.