UPBC basketball tournament pormal nang buksan karong adlawa

CEBU, Philippines - Pormal na nga buksan ang gikahinaman nga United Pusok Balls Club (UPBC) basketball tournament karong adlawa diha sa barangay Pusok open court, Lapu-Lapu City.

Napulo ka teams ang mosalmot sa torneyo nga naglakip sa Fe's Lechon, Luvendirell, Coral Point, PNP-LLCPO, Galaxy Fighter, Isla Noah, Kakkoi, Save More, San Remigio Beach ug Die Hard.

Sa naandan, usa ka parada sa mga partisipanteng koponan ang motimaan sa pagsugod sa liga nga sugdan sa ala-1 sa hapon.

Inig ka human, isunod dayon ang opening program diin ang amahan sa maong barangay nga si Pusok Brgy. Capt. Tranquilino T. Omolon Jr., mohatag sa iyang mahinungdanong mensahe ngadto sa mga partisipante ug ingon man ngadto sa mga sakop sa iyang barangay.

Molamas sa opening ceremony mao ang paghagpat og best muse gikan sa 10 ka partisipanteng koponan.

Ang mga opisyales sa UPBC mao sila si Asteria Omolon (president), Ranny Emperio (facilitator), Martelino 'Aloy' Cabalhug (tech. com.) ug sila si Juliet Sildura ug Edna Saladaga (treasurers).

Ang torneyo gipaluyohan sab sa Pusok Physical Fitness Club, Math'z Sports Mania ug sa JB Sportswear nilang Judith ug Billy Nadado.  (BANATSPORTS)